ᐃᔥᐧᑳᔥ ᑳ ᑯᔥᑖᒋᑦ ᑳ ᑭᓂᐧᐋᔨᒫᐅᓱᐧᐃᑦ
Marie a peur
Étudiez (et répétez) ce qui suit
Montrer le roman Tout jouer
Marie a peur
ᒣᕇ ᓈᔥᒡ ᓲᐦᒃ ᐋᐦ ᐐᐦ ᐐᒑᐙᑦ ᐅᐦᑯᒥᔅᐦ ᐋᐦ ᐴᓯᔨᒡᐦ᙮
merii naashch suuhk aah wiih wiichaawaat uhkumish aah puusiyichh.
ᐅᐦᑯᒥᔅᐦ ᒌᐦ ᐐᒑᐙᐤ᙮
uhkumish chiih wiichaawaau.
ᐅᑐᓯᔅᐦ ᒌᐦ ᐐᒑᐙᐤ᙮
utusish chiih wiichaawaau.
ᐐᒋᔖᓂᔥᐦ ᐱᓖᐦ ᒌᐦ ᐐᒑᐙᐤ᙮
wiichishaanishh piliih chiih wiichaawaau.
ᑳᐦ ᐴᓯᒡ ᒋᔮᒋᔖᐹᔮᔨᒡ᙮
kaah puusich chiyaachishaapaayaayich.
ᒥᔮᓂᒑᑦ ᐊᓂᑖᐦ ᓈᔥᒡ ᐋᐦ ᑭᑳᓍᔅᒀᔮᔨᒡ᙮
miyaanichaat anitaah naashch aah kikaanwaaskwaayaayich.
ᒦᓐ ᒋᔮᒋᔖᐹᔮᔨᒡ ᓈᑑᐦᐅᐎᔨᒡᐦ ᐅᐦᑯᒥᔅᐦ᙮
miin chiyaachishaapaayaayich naatuuhuwiyichh uhkumish.
ᐊᓂᔮᐦ ᐅᑐᓯᔅᐦ ᓂᔮᒋᐎᑖᔨᒡᐦ ᙮
aniyaah utusish niyaachiwitaayichh .
ᒣᕇ ᑳᓂᐙᔨᒫᑦ ᐅᔒᒥᔥᐦ ᐱᓖᐦ᙮
merii kaaniwaayimaat ushiimishh piliih.
ᓈᔥᒡ ᐋᐦ ᑯᔥᑖᒋᑦ ᑳ ᓂᑭᑖᑭᓂᐎᑦ, ᐊᒀᑖᔨᐦᑎᐦᒃ, ᑖᓂᑖᐦ ᐐᐱᒡ ᒋᑭ ᒌᐦ ᐅᐦᒋ ᑎᑯᔑᓄᒋᒑ ᓂᑐᓯᔅ᙮
naashch aah kushtaachit kaa nikitaakiniwit, akwaataayihtihk, taanitaah wiipich chiki chiih uhchi tikushinuchichaa nitusis.
ᒀᔥᑯᐱᔨᑦ ᐱᓖ ᐋᐦ ᒌᐦ ᒫᒫᐱᓱᑦ ᙮
kwaashkupiyit pilii aah chiih maamaapisut .
ᐙᑎᑖᒥᐦᒀᐦᐙᑦ ᒣᕇ ᐱᓖᐦ᙮
waatitaamihkwaahwaat merii piliih.
ᒥᔮᑐᑦ ᐐᔨ ᐱᓖ᙮
miyaatut wiiyi pilii.
ᒣᕇ ᓈᑎᐙᐱᒫᑦ ᐅᑐᓯᔅᐦ ᑳ ᓈᒋᐎᑖᔨᒡᐦ᙮
merii naatiwaapimaat utusish kaa naachiwitaayichh.
ᒫᒀᒡ ᐐᐎᑎᐦᑳᓱᔨᐤᐦ ᐙᑎᐦᑖᑦ ᙮
maakwaach wiiwitihkaasuyiuh waatihtaat .
ᒑᐙᐦᑎᑖᔨᒡᐦ ᐅᑐᓯᔅᐦ ᐅᒥᐦᑎᒥᔨᐤᐦ᙮ ᐋᑯᐦ ᒫᔻᔨᐦᑎᐦᒃ ᒣᕇ ᐋᑳ ᒑ ᐹᔨᑯᔑᑦ᙮
chaawaahtitaayichh utusish umihtimiyiuh. aakuh maaywaayihtihk merii aakaa chaa paayikushit.
