ᒣᕇ ᓈᔥᒡ ᓲᐦᒃ ᐋᐦ ᐐᐦ ᐐᒑᐙᑦ ᐅᐦᑯᒥᔅᐦ ᐋᐦ ᐴᓯᔨᒡᐦ᙮
ᐅᐦᑯᒥᔅᐦ ᒌᐦ ᐐᒑᐙᐤ᙮
ᐅᑐᓯᔅᐦ ᒌᐦ ᐐᒑᐙᐤ᙮
ᐐᒋᔖᓂᔥᐦ ᐱᓖᐦ ᒌᐦ ᐐᒑᐙᐤ᙮
ᑳᐦ ᐴᓯᒡ ᒋᔮᒋᔖᐹᔮᔨᒡ᙮
ᒥᔮᓂᒑᑦ ᐊᓂᑖᐦ ᓈᔥᒡ ᐋᐦ ᑭᑳᓍᔅᒀᔮᔨᒡ᙮
ᒦᓐ ᒋᔮᒋᔖᐹᔮᔨᒡ ᓈᑑᐦᐅᐎᔨᒡᐦ ᐅᐦᑯᒥᔅᐦ᙮
ᐊᓂᔮᐦ ᐅᑐᓯᔅᐦ ᓂᔮᒋᐎᑖᔨᒡᐦ ᙮
ᒣᕇ ᑳᓂᐙᔨᒫᑦ ᐅᔒᒥᔥᐦ ᐱᓖᐦ᙮
ᓈᔥᒡ ᐋᐦ ᑯᔥᑖᒋᑦ ᑳ ᓂᑭᑖᑭᓂᐎᑦ, ᐊᒀᑖᔨᐦᑎᐦᒃ, ᑖᓂᑖᐦ ᐐᐱᒡ ᒋᑭ ᒌᐦ ᐅᐦᒋ ᑎᑯᔑᓄᒋᒑ ᓂᑐᓯᔅ᙮
ᒀᔥᑯᐱᔨᑦ ᐱᓖ ᐋᐦ ᒌᐦ ᒫᒫᐱᓱᑦ ᙮
ᐙᑎᑖᒥᐦᒀᐦᐙᑦ ᒣᕇ ᐱᓖᐦ᙮
ᒥᔮᑐᑦ ᐐᔨ ᐱᓖ᙮
ᒣᕇ ᓈᑎᐙᐱᒫᑦ ᐅᑐᓯᔅᐦ ᑳ ᓈᒋᐎᑖᔨᒡᐦ᙮
ᒫᒀᒡ ᐐᐎᑎᐦᑳᓱᔨᐤᐦ ᐙᑎᐦᑖᑦ ᙮
ᒑᐙᐦᑎᑖᔨᒡᐦ ᐅᑐᓯᔅᐦ ᐅᒥᐦᑎᒥᔨᐤᐦ᙮ ᐋᑯᐦ ᒫᔻᔨᐦᑎᐦᒃ ᒣᕇ ᐋᑳ ᒑ ᐹᔨᑯᔑᑦ᙮
