chichischaayihtaanaawaachichaa waas aa aapitisiitamiskw aa tipiskaayich.

aakuh aa chiishikaayich naapaat an amiskw.

paayikwaau naashch aa miyutipiskaayich kaa itaayihtihk amiskw chaa nituuaapitisiit, wiich aa chii wii nituuuushihtaat.

niyaatwaakimaat mishtikwh naashch aa mihchaaskusiyichh. taahkuhukut aniyaah mishtikwh nihaau anitih usuhch.

nimichiiwaa paahtaakuu awaayuuh aat naashch itwaat aa aashihkwaat, wiichihiikw, wiichihiikw, nimui nichii aahchiin.

nimui maak uhchi wiichihiikuu awaayuuh. misiwaa awaayuuh aa chii nipaayichh aakaa paahtaakut maakwaach kiipwaa aa tipiskaayich.

piyaataapiyich waatihtikut chishaayaakwh aa pipaamutaayichh. akwaataat, wiichiih maa. naashtaapwaa nitaahkusin shaash nisui.

ahkuu kiipwaa waachihiikut aniyaah chishaayaakwh. wiyaapihtimiyichh aniyaa usui naashtiyich aa nipikaayich.

waasaa, iitikuu, naashtiyich waas uu nipikaau chisui.

miyaatut wii an amiskw.

akaa maatuh, iitikuu aniyaah chishaayaakwh, naashtaapwaa waas chiki miywaapichihtaan an chisui aa pimishkaayin. miywaayiht-h tiyikuch.